Н.А.Габышев (1922 – 1991сс.)

Саха биир биллиилээх драматура, прозаига, кэпсээнньитэ, тылбаасчыта уонна биһиги биир дойдулаахпыт Николай Алексеевич Габышев 1922с. муус устар 10 күнүгэр Үөһээ Бүлүү улууһун Хомустаах нэһилиэгин Чоҕунуур диэн алааска бааһынай дьиэ кэргэнигэр төрөөбүтэ.

Кини Якутскайдааҕы учительскай, онтон педагогическай институту уонна Москватааҕы М.Горькай аатынан Литературнай институт иһинэн Үрдүкү литературнай курсу үөрэнэн бүтэрбитэ.

Пединституту бүтэрээт 1940 с. Аллайыаха оройуонугар Амычаан оскуолатыгар 1947 сылга диэри учууталынан, директорынан үлэлээбитэ. 1947 с. куоракка көһөн кэлбитэ, чинчийэр – айар үлэтин сҕалаабыта. Үөрэх министерстватыгар сектор начальнигынан үлэлээбитэ. 1949 – 1951 сс.   кинигэ издательствотыгар учебнигы таһаарыы редакторынан, 1951 -1957 сс. учуталлыыр. 1957 – 1963 сс. «Хотугу сулус» сурунаал редакциятыгар эппиэттиир секретарынан, 1963 – 1970 сс. Саха сиринээҕи телевиденияҕа уонна радионан биэриигэ комитет кылаабынай редакторынан, Саха сирин суруйааччыларын союһугар бырабылыанньа бэрэстээтэлин солбуйааччынан, литконсультанынан, проза отделын сэбиэдиссэйинэн үлэлээбитэ.

Н.А.Габышев саха литературатыгар кэпсээнньит быһыытынан киэҥник биллибитэ. Кини айымньылара 1946 сылтан ыла бэчээттэнэллэр. Элбэх лирическай, юмористическай, сатирическай кэпсээннэри, миниатюралары суруйбута. Аан бастаан 1951 с. «Ыраах Амычааҥҥа» диэн сэһэнэ кинигэнэн бэчээттэнэн тахсыбыта. Онтон утуу – субуу «Билэр дьонум», «Ый күлэр», «Таптал», «Эн биһикки олохпут», «Сүүс кэпсээн» диэн кинигэлэрэ тахсыталаабыттара. «Үтүө доҕоттор» диэн аҕа көлүөнэ суруйааччылар туһунан кинигэ ыччакка анаммыта. Кэлин «Көрдөөх Күндэлэй» уонна «Күһүҥҥү кустук» диэн сэһэннэрэ кинигэ буолан бэчээттэммиттэрэ.

Олоҕун тиһэх күннэригэр диэри «Максим Мандаров», «Күөх харахтаах саха кыыһа» диэн айымньылары суруйа, оҥоро сылдьыбыта. Маны таһынан «Икки дьол», «Кыһыл көмүс балык», «Солооһун» диэн пьесалары суруйан, Саха театрыгар туруортарбыта. Кини тылбааһынан М.Горькай «Араҕас абааһы куората» диэн памплета, В.Ажаев «Москваттан ыраах» диэн романа уо.д.а. саха ааҕааччыларыгар тиийбиттэрэ.

Оскуола учебниктарын, хрестоматияларын,үөрэх программаларын оҥорууга эмиэ күүскэ үлэлэспитэ. Кини Индигир төрдүгэр олохтоох нууччалар фольклордарын хомуйбута. 

Кэргэнинээн Кучарова Татьяна Прокопьевналыын 4 оҕолоохтор, Максим, Галина, Алексей, Владимир.

Н.А.Габышев Саха АССР Верховнай Советын, РСФСР Верховнай Советын Президиумнарын Бочуотунай грамоталарынан уонна ССРС медалларынан наҕараадаламмыта. Н.А.Габышев – Саха АССР культуратын үтүөлээх үлэһитэ, 1957 с. ССРС суруйааччыларын Союһун чилиэнэ. Кини 1991 с. ахсынньы 8 күнүгэр ыалдьан өлбүтэ.  

Дойдуков Василий Тимофеевич.

Мин, Дойдуков Василий Тимофеевич 1947 сыл кулун тутар 6 күнүгэр Хомустаах сайылыгар күн сирин көрбүтүм. Ийэм Никифорова Александра Ивановна 1927 сыллаах төрүөх. А5ам Дойдуков Тимофей Иванович 1910 сыллах төрүөх.

Хапса5айынан уонна көңүл тустууннан дьарыгырыым 14 сааспыттан са5аламмыта. Тустууннан дьарктаабыт киhинэн хапса5айдаhан тустуу маастара Прокопьев Егор Спиридонович буолар. Дүллүкү оскуолатыгар хас да сыл учууталынан үлэлээбитэ.

1965 сыллаахха Чурапчыга 16 саастаах уолаттарга Республика чемпионата буолбутугар 18 о5оттон 76 киилэ5э бастаан турардаахпын. Ити дьыл Yөhээ Бүлүү оруйуонугар «Буучугурас» бирииhигэр маннайгы тэрээhинигэр улахан дьонно 76 киилэ5э Дүллүкү нэhилиэгин хамаандатыгар киирсэн  бастаан турардаахпын. Хапса5айдаhан тустууга 1966 сыллаахха Якутскай куоракка бэс ыйыгар Манчаары спорттокиадатыгар Yөhээ Бүлүү хамаандатыгар киирсэн 76 киилэ5э тустан 7-с миэстэни ылан I-й спортивнай разряды ылары ситиспитим.      

Бэйэм оройуонум иhигэр араас таhымнаах тустуу күрэхтэhиилэригэр куруук кыттар, миэстэлэhэр этим. Көңүл тустууга оройуон уонна республика элбэх таhымнаах күрэхтэhиилэригэр кыттыыны ылар этим.

Көңүл тустууга 1965 сыллаахха I-й спортивнай разряды толорбутум. Николай Тарскай бирииhигэр иккитэ кыттыыны ылан биирдэ III, биирдэ IV миэстэлэри ыла сылдьыбытым.

1971 сыллаахха Амма5а Николай Захаров (Сахаарча) бирииhигэр өлүөхүмэ оройуонун хамаандатыгар киирсэн 82 киилэ5э бастааммын үрүң көмүс мэдээл, чемпионскай лента кэтэн турабын. өлүөхүмэ5э тыа хаьаайыстыбатын техникумугар үөрэнэ сылдьан көңүл тустуунан арыый да таhаарыылаахтык туста сылдьыбытым. Ол курдук «Урожай» общества республикатаа5ы хамаандатын  састаабыгар киирэн Россия чемпионатыгар иккитэ киирсэ сылдьыбыттардаахпын. Сэттэ устуука аалай чемпионскай ленталардаахпын.

Онон эдэр, кыанар кэммэр дьон ортотугар сылдьан Республика оройуоннарын аайы билэр, до5ордоhор дьоннордоохпунан астынабын, үөрэбин.

Спорт араас көрүңүнэн эдэр ыччаттары дьарыктанаргытыгар ыңырабын. Спорт киhи дьыл5атыгар бастакы ыйыыны биэрэр диэхпин ба5арабын.       

Татьянин день – День российского студенчества

Ежегодно 25 января в России отмечается День российского студенчества. Праздник был установлен в соответствии с указом президента РФ от 25 января 2005 года. 24 октября 2007 года был подписан федеральный закон, согласно которому День российского студенчества стал одной из памятных дат России. История праздника российского студенчества тесно связана с историей Московского университета. 25 января (12 января по старому стилю) 1755 года императрица Елизавета Петровна, поддержав инициативу графа Ивана Шувалова и Михаила Ломоносова, подписала указ “Об учреждении Московского университета”. Этот указ стал подарком в день именин матери графа Шувалова – Татьяны.