Данилова Марфа Даниловна Дуллүкү нэһилиэгэр 1953 сыллаахха төрөөбүтэ. 1969 сыллаахха Дүллүкү аҕыс кылаастаах оскуолатын бүтэрэн Далыр орто оскуолатыгар үөрэнэн 1971 сыллаахха бүтэрэр.

1972 сыллаахха “Оскуола-производство-үрдүк үөрэх” диэн девиһынан 3 кыыс буолан: Марфа Даниловна, эдьиийдии- балыстыы Яковлева Зинаида, Зоя Спиридоновналар Хомустаах учаастагар (Түөкэйгэ) В. Дойдуков аатынан ыччат ферматыгар үлэлии тахсыбыттара. 15 ынаҕы ылан 1975 сыллаахха дылы доярканан үлэлээбитэ. Коллективка 8 буолан үлэлээбиттэрэ. Наставниктар: Ильина А.И., Федорова Мария, Петрова Марфа, Тарасова Дарья. Эдэрдэр: Петрова Люция, Яковлева Зина, Яковлева Зоя, Данилова Марфа.

Наставнига Ильина А.И. Марфа Даниловнаҕа 2000 кирбиилээх ынахтарын биэрэр уонна Күүлэт Михайловтар династияларын кытта күрэхтэһэр. Онно былаанын аһара толорон 1973 сыл кулун тутар 9 күнүгэр “Ударник коммунистического труда” диэн ааты иҥэрэллэр. 1975 сыллаахха 9-с ыҥырыылаах Саха АССР Верховнай Советын 39 №-дээх Далырдааҕы уокуруктан депутатынан талыллар. Ити сылларга биригэдьииринэн Донской Николай Иванович үлэлээбит. Водовозка Федоров Макар, Чомчоев Василий, тракториһынан Федоров Леонид үлэлээбиттэрэ. Сынньалан кэмнэригэр кулуупка киинэ көрөллөрө, теннистииллэрэ. Оччолорго киномеханигынан Николаев Иван, остуораһынан Иванова П.Г. үлэлииллэрэ. Торой, Туостаах хайаларыттан хайыһарынан түһэллэрэ.

1984 сыллаахха СГУ саха тылын уонна литературатын салаатын бүтэрбитэ уонна Далыр орто оскуолатыгар үлэлии тахсыбыта.

2007 сыллаахха “Отличник образования” аатын иҥэрбиттэрэ уонна “Ветеран труда” буолбута.